အတန်းကျောင်း လုံးဝမနေခဲ့ဖူးတဲ့ ဘုန်းကြီးလူထွက် ဆိုက်ကားဆရာ ဘဝကနေ ဘာသာစကား(၄)မျိုးတတ်ကျွမ်းသူ ဖြစ်လာတဲ့ ဦးသောင်းစိန်

“ကျုပ်ဘဝအကြောင်း by tourist guide U Thaung Sein”။ ကျုပ်လေ အီတလီလိုလည်း ထမင်းစားရေသောက် ပြောတတ်တယ်။

ဂျ ာမန်လိုလည်း အဲလောက်တော့ဖြစ်တာပါပဲ။ ပြင်သစ်လိုကျတော့ လိမ့်ပတ်လည်အောင်ပြောနိုင်တယ်။ ဖတ်နိုင်တယ်။

 

 

အရေးကျတော့ အားနည်းချက်နည်းနည်းရှိတယ်။ ၂၀၀၀ – ခုနှစ်ကစပြီး exotissimoနဲ့ stationရော throughout အဖြစ်နဲ့ပါ ပြင်သစ်ဂိုက်လိုက်ခဲ့တယ်။ ခုတော့ adorable myanmar မှာအများဆုံးပါ။ တခြား Agency တွေကလည်း ပြင်သစ်ဂိုက်အဖြစ် ကျုပ်ကိုယုံကြည်စွာသုံးခဲ့တာ ၁၅–နှစ်ရှိပါပြီ။

 

 

မင်းကို ပြင်သစ်သင်ပေးတဲ့ဆရာ ဘယ်သူလဲလို့မေးရင် ကျုပ်မှာ သင်ဆရာမရှိပါ။ စာအုပ်တွေနဲ့ ပြင်သစ်တိုးတွေဟာ ကျုပ်ဆရာတွေပါပဲဗျ။ အင်္ဂလိပ်ဂိုက်အဖြစ်နဲ့ကတော့ ၁၉၉၈ –ခုကတည်းက diethelmနဲ့လိုက်ခဲ့တာဗျ။

အဲဒီတုန်းက မန်းလေး station managerကဆရာဦးတင်အောင်မြင့်ပေါ့။ တိုးသွားတောင် းတယ်။ ဆရာက မရှိဘူးဗျတဲ့။ ကျုပ်ပြင်သစ် လည်းပြောနိုင်ပါတယ်လို့ ပြောလိုက်တော့ မင်းကွန်းအကြောင်း ပြင်သစ်လိုဗျူးတော့တာဘဲဗျို့။

 

 

သဘောကျသွားတော့ ခင် ဗျားတခြားလက်မခံနဲ့၊ ကျနော့်ဆီပဲလိုက်တော့ဆိုပြီးမနားတမ်းပေးတော့တာပဲဗျ။ ဒီတော့ မင်းအင်္ဂလိပ်စာ ဘယ်မှာသင်သလဲလို့မေးလာရင်လည်း စာအုပ်တွေကလွဲရင်ကျုပ်မှာဆ ရာမရှိဘူးဗျာ။ ကျုပ်က တန်းကျောင်းမှ မနေခဲ့ဖူးတာကိုးဗျ။ ကျုပ်ကို ၁၉၅၃ –ခုမှာ အဘ ဦးဘလုံ၊ အမိ ဒေါ်သိန်း တို့ကမွေးဖွားခဲ့တယ်။ တောစွန်ဇနပုဒ်မှာပေါ့ဗျ။

ပခုက္ကူခရိုင်၊ မြိုင်မြို့နယ်၊ မကြီးကန်ကျေ းရွာအုပ်စု၊ မြောက်ဆည်ဆိုတဲ့ရွာငယ်လေးမှာပါ။မူလတန်းကျောင်း မရှိတဲ့ရွာဆိုတော့ ဘုန် းကြီးကျောင်းပေါ့ဗျာ။ ဆရာတော်ဦးသံဝရက ကျူပ်ကိုသင်ပုံးကြီး၊ အပြင်အောင်ခြင်း၊ အတွ င်းအောင်ခြင်း၊ ပရိတ်ကြီးသင်ပေးခဲ့တာပေါ့။

 

 

 

၁၉၆၆–ခုမှာ ကိုရင်ဝတ်ခဲ့တယ်။ ၁၉၆၇–စလင်းမြို့၊ ကိုးဆောင်တိုက်ကျောင်းမှာ စာ သင်ခဲ့တယ်။ အဘိဓမ္မာအောင်ခဲ့တယ်။

၁၉၆၈–ခု သာယာဝတီ၊ ကြို့ပင်ကောက်မြို့၊ အရှေဘုရားကြီးတိုက်မှာ စာသင်ခဲ့တယ်။ အဲဒီမှာ ပထမငယ်တန်းအောင်ခဲ့တယ်။ ၁၉၆၉ – ခုမှာမပျော်လို့ ၁၆–နှစ်သားမှာ ကိုရင်လူထွက်လိုက်တယ်ပေါ့ဗျာ။ ရွာပြန် မိဘတွေနဲ့ ပဲစိုက်၊ နှမ်းစိုက်၊ လယ်လု ပ်၊ သစ်ငုတ်တူး၊ ထင်းခုတ်ပေါ့ဗျာ။ ၁၉၇၃–အ သက် ၂၀မှာ တစ်ရွာတည်းသူနဲ့ အိမ်ထောင် ကျခဲ့တယ်။ ရွာကတောင်းဆိုလို့ အဲဒီနှစ်မှာ သမဝါယမတာဝန်ခံလုပ်ခဲ့ရတယ်။

 

 

 

တာဝန်ခံအဖြစ်မြို့နယ်ကလူတွေနဲ့ ဆက်ဆံရတော့ ပညာမတတ်တာ ရှက်လာတယ်။

အင်္ဂလိပ်စာ တတ်ချင်လာတယ်။ ဒီအရွယ် ရောက်မှ မလွယ်တော့ပါဘူးလေလို့ တွေးပြီး အားလျော့မိခဲ့တယ်။ တစ်နေ့မြို့က ပြန် လာတဲ့ ဦးဇင်းလေးနဲ့ စကားပြောဖြစ်ကြတယ်။

လူေ.သလူဖြစ်ဆိုပြီး နာမည်ကြီးနေတဲ့ တောင်တွင်းကြီးမြို့က ဆရာတော်အရှင်ဥက္ကဌအကြောင်းပေါ့။ အဲဒီဆရာတော်ကကွာ ၃၅–နှစ်ရှိမှ အင်္ဂလိပ်စာ စလေ့လာတာတဲ့ကွ။ တနေ့ စကားလုံး ၅၀ အရကျက်ထာ ၂–နှစ်လောက်ကြာတော့ သူမသိတဲ့အင်္ဂလိပ်စာလုံး မရှိသလောက်ပဲတဲ့ကွ။

နောက်တော့ အင်္ဂလိပ်စာလို စာအုပ်ထုတ်ခဲ့တယ်ကွ။ အဲဒါကြားလိုက်တော့ အားတက်သွားတယ်။ အဲဒီတိုင်းပဲ လုပ်ခဲ့တာပဲဗျ။ ပင် ပန်းခဲ့ပါတယ်။ စကားလုံး မရွေးတတ်၊ နည် းစနစ် နားမလည်ပေါ့ဗျာ။ သဒ္ဒါကျတော့ ဦးသုမန BAရဲ့ New method grammar ဆိုတဲ့နည်းသစ်သဒ္ဒါကို အခြေပြုခဲ့ပါတယ်။

dictionaryဘေးမှာထားပြီး စာတစ်မျက်နှာတစ်နေကုန်ကြာအောင်ဖတ်နဲ့ပေါ့ဗျာ။ ရေ ဒီယိုလည်း နားထောင်တယ်။ အစကတော့ ဘာမှနားမလည်သလောက်ပါပဲဗျာ။ အဲသလိုရူးခဲ့တာ ၂–နှစ်လောက်ကြာတော့ အထိုက် အ လျောက်ဖတ်နိုင်၊ နားထောင်နိုင်လာတယ်။

 

 

 

၁၉၇၅–မှာ သမီးဦးလေးမွေးတယ်။ နောက်တော့ သားလေးယောက်ထပ်ရပြန်တယ်။

ကျုပ်ပညာမတတ်ခဲ့သလို သားတွေပညာမ တတ်မှာ သိပ်ရင်ပူခဲ့တယ်ဗျာ။ ရွာမှာနေရင် သူတို့ကို မြို့ကျောင်းမပို့နိင်မှာ သေချာသိတယ်။ မြို့မှာနေပြီးဖြစ်သလို ကြိုးစားထားမယ် ဆိုတဲ့အတွေးနဲ့ မန်းလေးကို ကလေးငါးယောက်နဲ့ ပြောင်းရွှေ့လာခဲ့သပေါ့ဗျာ။

ပိုင်ဆိုင်တာဆိုလို့ ငွေငါးထောင်ပဲရှိခဲ့၊ ပါခဲ့တယ်ဗျ။ ကျုပ်နယ်ကသနပ်ခါးပေါတော့ အလုပ်ကတော့ သနပ်ခါးဝယ်ရောင်းပေါ့ဗျာ။ မိန်းမကို တရု.တ်တန်းဈေး သနပ်ခါးရောင်းခိုင်း၊ ကျုပ်ကတော့ ဒေါ်သီတို့၊ ဝင်းဝင်းတို့၊ နတ်မိမယ်တို့မှာ သနပ်ခါးသွားစပ်၊ သူတို့လိုချင်တယ်ဆို နယ်ပြန်ဝယ်ရောင်းပေါ့ဗျာ။ငွေလေးစုမိတော့ တရု.တ်ပစ္စည်းကုန်ကူးပေါ့။ မှေ.ာင်ခိုေ.ခတ်မှာ တရု.တ်ပစ္စည်းကို စက်ဘီးနဲ့သယ်ရင် မဖမ်းဘူးဗျ။

ကျုပ်မူဆယ်ကနေ မန်းလေးကို စက်ဘီးနဲ့ကုန်အပြည့်တင်ပြီး ငါးခေါက်ထိစီးခဲ့ဘူးတယ်။ အဲ ၁၉၈၈–မှာ ဘဝပျ.က်ပြန်တာပါဘဲ။ ငွေစက္ကူ ၇၅–ကျပ်တန်တွေမသုံးရလို့ကြေငြာလိုက်တော့ ငွေ–၇၀၀၀၀ လောက်ထိသွားတာပေါ့။ ဆန်တစ်ပြည် ၂–ကျပ်၊ ၅၀–ပြား ခေတ်မှာပေါ့။ ၈၈–အရေးအခင်းနဲ့ က လေးငါးယောက်ရယ်၊ သုံးဖြစ်တဲ့ငွေ ၃၀၀၀နဲ့ဘဝတစ်ကပြန်စရတယ်။ တနေ့ ၂၀နဲ့ အုန်နာယူပြီး နင်းရတဲ့ဆိုက္ကားဆရာဖြစ်ခဲ့ရတယ်။ သားတွေကိုတော့ ဖြစ်သလို ကျောင်းဆက်ထားခဲ့တယ်။ တစ်နေ့ နိုင်ငံခြားသားတစ်ယောက် ညရှစ်နာရီလောက် ဆိုက္ကားလာငှားတယ်။ ထွန်းလှဟိုတယ်သွားမယ်တဲ့။

စာဖတ်ဖို့သာ ရည်ရွယ်ပြီးလေ့လာခဲ့တဲ့အင်္ဂ လိပ်စာ ငွေရှာဖို့ဖြစ်သွားအောင် အစပျိုးခြင်းပါပဲ။ နောက်နေ့တစ်နေကုန် ၂၀၀နဲ့ငှားတယ်။ ပြီးသွားတော့ ၅၀၀ပေးသွားတယ်။

နောက်တော့ တိုးတွေကိုပဲ အဓိကထားလုပ်တော့တယ်။ ပုဂံ၊ အင်းလေးထိလည်း လိုက်တဲ့အခါလိုက်ရတယ်။

၁၉၉၅–ခုမှာ မီးရထားက ဗိုလ်.ကြီးထွန်းအောင်ကျော် ဒုရုံပိုင်ဦးကြည်စိန်တို့နဲ့တွေ့ပြီး မီးရထားစီးတိုးများကြိုပို့လုပ်ငန်းမှာခေါင်း ဆောင်ဂိုက်အဖြစ် လုပ်ခဲ့တယ်။ မီးရထားဝန်ထမ်းမိသားစုများကို သုံးလစကားပြောသင်တန်းပို့ချခဲ့ရပါတယ်။ တိုးတွေနဲ့လုပ်ရင်း ပြင်သစ်လိုတတ်ချင်လာတယ်။

အဲဒီတုန်းက မြန်မာဘာသာပြန်ပါတဲ့ ပြင်သစ်စာအုပ်မဆိုထားနဲ့ အင်္ဂလိပ်စာဘာသာပြန်ပါတဲ့ ပြင်သစ်စာအုပ်ရဖို့ရန် မလွယ်ပါ။

ရှိတယ်ကြားရင် ရောင်းပေးပါခင်ဗျ၊ မရောင်းရင်လည်း ကော်ပီကူးပါရစေခင်ဗျလို့ စာအုပ်တောင် အောက်ကြို့ပြီးရှာရတာပါ။ကက်ဆက်ခွေရဖို့မလွယ်ရေးချမလွယ်ပေါ့။ နောက်တော့ ပြင်သစ်တစ်ယောက်က ပါရီကနေပို့ပေးလို့ အဆင်ပြေခဲ့ပါတယ်။ ခုတော့ မန်းလေးမှာ အိမ်နဲ့ဝိုင်းလေးလည်းရှိပါပြီ။ သားအကြီးဆုံးက ကွန်ပျူတာနဲ့ ဘွဲ့ရပြီ။ ဒုတိယသားက သွားဆရာဝန် မန်းလေး ဆေးရုံကြီးမျက်နာမေးရိုးဌာန။

 

 

 

တတိယသားလည်း ဆရာဝန်ပါပဲ။ စတုတ္ထသားက အင်ဂျင်နီယာပါ။ တောကြိုခြုံကြားက ပညာမဲ့တောသားတစ်ယောက်ရဲ့စိတ်ကူးအိပ်မက်တစ်ဝက်ကျော်နင်းခဲ့ပြီ။ ဒီပို့စ်ကိုတင်တာ ကျုပ်ကြွားချင်လို့မဟုတ်ပါ။ ဘာပညာလိုလို စာအုပ်စာတန်း၊ကက်ဆက်၊ စီဒီ၊ ကွန်ပြူတာ၊

သင်ထောက်ကူပစ္စည်း ပေါများလွယ်ကူနေတဲ့ခေတ်မှာ ဇွဲသတ္တိခိုင်ခိုင်ကြိုးစားရင် မအောင်မြင်စရာမရှိပါ။ ကိုယ့်အတွက်ခိုင်မာအောင် ကိုယ်ဝါသနာပါတဲ့၊ စိတ်ဝ င်စားတဲ့ ပညာတစ်ခုခုကို ဇွဲသတ္တိ အချိန်ပေး၍ ကြို းစားကြပါလို့။

(Thaung Sein) လေးစားစွာဖြင့် ခရက်ဒစ်

Leave a Reply

Your email address will not be published. Required fields are marked *